Իրանը ընդհուպ կմոտենա Միջուկային զենքի ստեղծմանը մոտավորապես կես տարվա ընթացքում: Նման կարծիք ամերիկյան ԶԼՄ-ներին է հայտնել Իսրայելի վարչապետ Բինյամին Նետանյահուն:
«Իրանը շատ արագ տեմպերով առաջ է շարժվում ուրանի հարստացման հարցում, որն անհրաժեշտ է միջուկային զենքի ստեղծման համար: Մոտավորապես կես տարի անց նրանք կավարտեն անհրաժեշտ աշխատանքների մոտավորապես ևս 90 տոկոսը»,-ասել է նա:
Իսրայելի վարչապետ Բինյամին Նեթանյահուն կոչ է արել ԱՄՆ-ին Իրանի համար խիստ սահմաններ որոշել, որոնց խախտումը կնշանակի զինված հարձակում:
Այս շաբաթ ԱՄՆ իշխանությունները հայտարարել են, որ իրենց գնահատմամբ, Իրանը ներկայումս հեռու է միջուկային զենքի ստեղծումից և դրա համար, կպահանջվի առնվազն մեկ տարի: Բացի այդ, ամերիկացի մասնագետների գնահատմամբ, Իրանի իշխանությունները դեռևս վերջնական որոշում չեն կայացրել միջուկային զենք ստեղծելու առնչությամբ: