«Մեր քաղաքը» քաղաքացիական նախաձեռնությունն այսօր կազմակերպել էր «քաղաքացիական ստուգայց» Փակ շուկայից դեպի նախկին Աֆրիկյանների տուն:
Կազմակերպիչ, «Մեր քաղաքը» նախաձեռնության անդամ Գիրգոր Ղազարյանը նշեց, որ ակցիայի նպատակն է քաղաքացիներին տեղեկացնել քաղաքում ընթացող ճարտարապետական, քաղաքաշինական գործընթացներին. «Մարդիկ պետք է ոչ միայն անցնեն շինարարական գործընթացների կողքով, այլ իրենց մոտ պետք է հարցեր առաջանան, և նրանք պետք է պահանջեն այդ հարցերի պատասխանները, որովհետև մենք բազմաթիվ օրինակներ ունենք, որ շինարարության վայրում հստակ ներկայացված չեն լինում շինարարության մասին տեղեկություններ, իսկ դա օրենքի խախտում է»:
Ակցիան սկսվեց Փակ Շուկայի շենքի մոտ, որտեղ հավաքվել էին մոտ 20 քաղաքացիներ և լրագրողներ, որոնք երթով անցան Մաշտոցի պողոտայով, Մաշտոցի պուրակով դեպի Աֆրիկյանների շենք, որտեղ էլ ավարտվեց ակցիան: