Էմիլ Կոնստանտինեսկու. ԵՄ երկրները գտնում են, որ Ղարաբաղի հարցը պետք է լուծվի մոտ ապագայում
ԵԱՀԿ Մինսկի խումբը պետք է ակտիվացնի ղարաբաղյան կարգավորման գործընթացը, ուրբաթ օրը Բաքվում լրագրողներին է հայտարարել Ռումինիայի նախկին նախագահ Էմիլ Կոնստանտինեսկուն: Ըստ նրա, Ղարաբաղի հարցը կարևոր և ցավոտ հարց է:
«Այս խնդրի շուտափույթ կարգավորման համար Մինսկի խմբի գործունեությունը ինտենսիֆիկացիայի կարիք ունի»,-հայտարարել է Ռումինիայի նախկին նախագահը: Նա նշել է նաև, որ ԵՄ երկրները գտնում են, որ Ղարաբաղի հարցը պետք է լուծվի մոտ ապագայում:
«Մենք կողմ ենք ղարաբաղյան հարցի լուծմանը ԵԱՀԿ ՄԽ շրջանակներում»,-ասել է Էմիլ Կոնստանտինեսկուն, հայտնում է «Թրենդը»:
