Իրաքի օդային տարածքը չի կարող օգտագործվել Սիրիայի զենք մատակարարելու համար, հինգշաբթի օրը հայտարարել է Պրահայում այցով գտնվող Իրաքի վարչապետ Նուրի ալ-Մալիքին:
«Որևէ արտասահմանյան օդանավ չի լքի Իրաքի օդային տարածքը, որպեսզի Սիրիա զենք տեղափոխի: Դա բացարձակապես արգելված է»,-ասել է ալ-Մալիքին: Նա հաղորդել է, որ երկրի իշխանություններն արդեն զննել են մի քանի կասկածելի օդանավեր, իսկ «մի պետության» արգելել են թռչելիրենց երկրի տարածքով:
Սեպտեմբերի սկզբին ԱՄՆ-ն խնդրել էր իրաքյան իշխանություններին ստուգել իրանական օդանավերը, որոնցով, Թեհրանի պնդմամբ, հումանիտար օգնություն է մատակարարվում Սիրիային: