Հայաստանի պաշտպանության մամուլի քարտուղար գնդապետ Սեյրան Շահսուվարյանը «զառանցանք է» անվանել ադրբեջանական ԶԼՄ-ների տեղեկատվությունն այն մասին, որ վերջերս 152 միլիմետրամոց ինքնագնաց «Ակացիա» հրանոթների 16 միավոր անօրինականորեն տեղափոխվել են Հայաստան Ախալքալակի ռուսաստանյան ռազմակայանից եւ տեղակայվել են Հայաստանի Նոյեմբերյանի շրջանում, տեղեկացնում է «Արմինֆո» գործակալությունը: Ս. Շահսուվարյանը հայտարարել է, որ տվյալ տեղեկատվությունը չի համապատասխանում իրականությանը: Տեղեկատվությունը նախօրեին տարածել է ադրբեջանական «Թուրան» գործակալությունը` վկայակոչելով «իրազեկ զինվորական աղբյուրները»: