Նոյեմբեր ամսին «Արմենիա» հեռուստաընկերության եթերում կհայտնվի նոր նախագիծ, որը կոչվում է «Հայաստանի ձայնը»:
Այն հեռուստաընկերության և Talpa Media ընկերության համատեղ արտադրանքն է: Այս մասին մամուլի ասուլիսի ժամանակ ասաց նախագծի գործադիր պրոդյուսեր Իրինա Վարդանյանը:
Թիմերի ձևավորման գործընթացի յուրահատկությունը կայանում է նրանում, որ «մարզիչները» ընտրությունը կատարում են առանց մասնակիցներին տեսնելու` լսելով և գնահատելով միայն ձայնը: Մարզիչների թվում են երգիչներ Թաթա Սիմոնյանը, Արտո Թունջբոյաջյանը, Սոնան և Սոֆի Մխեյանը:
The Voice -ի ձևաչափը մշակվել է hոլանդացի մեդիա – գործարար Ջոն դե Մոլին պատկանող Talpa Media ընկերության կողմից: Նախագիծը հաջողությամբ իրագործվել է և այժմ էլ պատրաստվում է հեռարձակման աշխարհի 45 երկրներում:
Վերջերս նախագիծն իրականանում է նաև Ռուսաստանի Առաջին ալիքը:
Ասուլիսի ընթացքում ներկայացվեց «Հայաստանի Ձայնը» երաժշտական նախագծի ձևաչափը, փուլերը և ընթացիկ աշխատանքները:
Արդեն ավարտվել է մրցույթի նախընտրական փուլը, որտեղ մասնակիցները երգել են «ա կապելա»: Լսումների արդյունքում ընտրվել են լավագույն ձայն ունեցող մասնակիցները, ովքեր անցել են հաջորդ` «Կույր լսումներ» փուլ: Ըստ The Voice նախագծի կանոնների նախընտրական փուլը եթեր չի հեռարձակվում, քանի որ մարզիչները նախապես չպետք է տեսնեն և ճանաչեն մասնակիցներին: Նախագծի երաժշտական պրոդյուսեր Հայկոն նշեց, որ նախնական լսումների մասնակիցների որակը բավական բարձր է:
«Կույր լսումների» արդյունքում ձևավորվում է 4 թիմ, բաղկացած 12-ական մասնակցից, նրանց միջև էլ կշարունակվի հետագա պայքարը:
Հաղթողը հայտնի կդառնա մարտի կեսերին: