«Հայ ոսկերիչների համաշխարհային միությունն» (AJA) այս տարի իր ուսումնական կենտրոններն է բացել Հայաստանում և Արցախում, որտեղ սովորում և աշխատում են 18-20 տարեկան երիտասարդներ: Այդ մասին լրագրողների հետ զրույցում հայտարարել է AJA նախագահ Գագիկ Գևորգյանը: «Մեր ուսումնական կենտրոնները Երևանում և Ստեփանակերտում գերազանց են աշխատում, այնտեղ սովորում է 20-ական մասնագետ»,-ասել է նա:

Նախագահ Սերժ Սարգսյանն այսօր Երևանի «Արմենիա Մարիոթ» հյուրանոցում ներկա է գտնվել ոսկերչական իրերի ցուցահանդեսի բացման արարողությանը: Ցուցահանդեսում ներկայացված են ինչպես հայրենական, այնպես էլ ավելի քան 70 օտարերկրյա ընկերությունների և անհատների աշխատանքներ: Միջոցառմանը մասնակցում են նաև Համաշխարհային ոսկերիչների ասոցիացիայի նախագահ Գայետանո Կավալիերին և «Հայ ոսկերիչների համաշխարհային միության» (AJA) նախագահ Գագիկ Գևորգյանը: Ինչպես ասաց Գագիկ Գևորգյանը, այս տարի առաջին անգամ Հայաստանում կնշվի Հայ ոսկերչի ազգային օրը: «Հայաստանն աշխարհում առաջին երկիրն է, որ նշում է ոսկերչի օրը»,-ասաց նա:

Գագիկ Գևորգյանը հավելել է, որ երիտասարդների գործերը ևս ներկայացված են Երևանում բացված ցուցահանդեսում:

«Նրանք մեծ առաջընթաց ունեն և տաղանդավոր են: Դա վկայում է այն մասին, որ եթե պայմաններ ստեղծվեն, մեր երիտասադր ոսկերիչներն անպայման կզարմացնեն աշխարհին, ես անկեղծորեց վստահ եմ դրանում»,-ասել է նա: