Հոկտեմբերի 31-ին Արամ Խաչատրյան համեգասրահում տեղի կունենա Վերադարձի դասական երաժշտության վեցերորդ փառատոնի հանդիսավոր փակման «Նվիրում Ամալյա Բայբուրթյանի ծննդյան 85-ամյակին» համերգը:
Ինչպես մամուլի ասուլիսի ժամանակ ասաց «Արվեստների պատկերասրահ» մշակութային հիմնադրամի նախագահ Մարիամ Շահինյանը, այս համերգն աչքի է ընկնելու իր համարձակությամբ. ներկայացվելու է դասական ջազ:
Համերգին մասնակցելու է Բայբուրթյանի որդին` դաշնակահարՎահագն Պապյանն իր աշակերտի` Բորիս Գիլտբուրգի հետ: Հնչելու են Լ.վան Բեթհովենի, Ս.Ռախմանինովի, Ֆ.Շոպենի, Ֆ.Լիստի, Վ.Ա.Մոցարտի, Մ.Ռավելի և Չ.Կորեայի ստեղծագործությունները:
Վահագն Պապյանը նշեց, որ համերգի առաջին մասում նա և Բորիսը ելույթ են ունենալու առանձին, իսկ երկրորդ մասում` դուետով: Վերջին ստեղծագործությունը լինելու է պրեմիերա:
Համերգին մասնակցելու է Գևորգ Հարությունյանը (հարվածային գործիքներ):
