Սահակաշվիլին կհարցաքննվի Զուրաբ Ժվանիայի մահվան կրկին վերաբացված գործով
Վրաստանի նախագահ Միխայիլ Սահակաշվիլին, ՆԳ և արդարադատության նախկին նախարարներ Վանո Մերաբիշվիլին ու իշխանափոխությունից հետո փախուստի դիմած Զուրաբ Ադեիշվիլին, ինչպես նաև խորհրդարանի նախկին խոսնակ Գեորգի Բարամիձեն կհարցաքննվեն Զուրաբ Ժվանիայի մահվան գործով: Այդ մասին հայտնում են վրացական ԶԼՄ-ները:
Ըստ պաշտոնական վարկածի. Ժվանիան վախճանվեց 2005թ. փետրվարին շմոլ գազի թունավորումից:
Վրաստանի գլխավոր դատախազ Արչիլ Քբիլաշվիլին հայտարարել է, որ այդ գործն առաջինն է փոխանցվում հետաքննության վերսկսման քննչական մաս:
«Ասավալ-դասավալի» թերթին տված հարցազրույցում Վրաստանի նախկին նախագահ Էդուարդ Շևարդնաձեն հայտարարեց, որ Ժվանիան սպանվեց, քանի որ մեծ շանսեր ուներ Սահակաշվիլիին նախագահի պաշտոնում փոխարինելու համար:
