Լիլիթ Մկրտչյանը դուրս է եկել շախմատի աշխարհի առաջնության երկրորդ ռաունդ
Հայաստանի ներկայացուցիչ Լիլիթ Մկրտչյանը դուրս է եկել շախմատի կանանց աշխարհի առաջնության երկրորդ փուլ:
Խանտի Մանսիյսկում առաջին ռաունդի երկրորդ պարտիայում նա սև խաղաքարերով հաղթեց Քեթևան Գրանտ-Արխամիային Շոտլանդիայից:
Մինչ այդ նա հաղթել էր նաև առաջին հանդիպման ժամանակ: Այդպիսով, Մկրտչյան- Գրանտ-Արխամիա հաշիվը դարձավ 2:0 հօգուտ Մկրտչյանի և նա դուրս եկավ երկրորդ փուլ:
Հայաստանի մեկ այլ ներկայացուցիչ Էլինա Դանիելյանը ոչ ոքի՝ 1:1 խաղաց Սոֆիկո Խուխաշվիլու հետ Վրաստանից: Այս զույգի հաղթողը պարզ կդառնա թայ բրեյքից հետո, որը տեղի կունենա նոյեմբերի 13-ին:
