ԵԱՀԿ ՄԽ համանախագահներ Ռոբերտ Բրադկեն (ԱՄՆ), Իգոր Պոպովը (ՌԴ) և Ժակ Ֆորը (Ֆրանսիա) նոյեմբերի 23-ին կժամանեն Հայաստան: Ենթադրվում է, որ Երևանում նրանք կհանդիպեն ՀՀ նախագահ Սերժ Սարգսյանի և ԱԳՆ ղեկավար Էդվարդ Նալբանդյանի հետ: Չի բացառվում, որ բարենպաստ եղանակային պայմանների դեպքում միջնորդները կմեկնեն նաև Ղարաբաղ:

Մինչդեռ, ինչպես հայտնում են ադրբեջանական ԶԼՄ-ները, նոյեմբերի 26-ին միջնորդները կայցելեն Բաքու, որտեղ կհանդիպեն ԱԳ նախարար Էլմար Մամեդյարովի և երկրի նախագահ Իլհամ Ալիևի հետ:

ԵԱՀԿ ՄԽ համանախագահները մտադիր են տարածաշրջան այցի շրջանակներում նոր գաղափարներ առաջարկել ղարաբաղյան խաղաղ կարգավորման վերաբերյալ:

Այցը տեղի կունենա Դուբլինում դեկտեմբերի 6-7 կայանալիք ԵԱՀԿ ԱԳՆԽ նիստին ընդառաջ: