2012թ-ին Հայ կոմպոզիտորական արվեստի փառատոնը նվիրված կլինի հայկական առաջին օպերայի հեղինակ Տիգրան Չուխաջյանի 175-ամյակին, և կկրի «ՉուխաջյանՖեստ» անունը: Ինչպես հայտնում է Հայաստանի պետական երիտասարդական նվագախմբի մամուլի ծառայությունը, փառատոնը կնվիրվի նաև Հայաստանի կոմպոզիտորների և երաժշտագետների միության 80-ամյակին:
2010թ-ից ՀՀ նախագահ Սերժ Սարգսյանի բարձր հովանու ներքո անց է կացվում հայ կոմպոզիտորական արվեստի փառատոնը` կազմակերպված ՀՀ Մշակույթի նախարարության, Հայաստանի պետական երիտասարդական նվագախմբի և Հայաստանի կոմպոզիտորների և երաժշտագետների միության միացյալ ուժերով:
Առաջին համերգը տեղի կունենա նոյեմբերի 21-ին և կշարունակվի մինչև դեկտեմբերի 19-ը: Փառատոնի ընթացքում տեղի կունենա 8 համերգ:
Հիշեցնենք, որ անցած տարի փառատոնը նվիրված էր Առնո Բաբաջանյանի 90-ամյակին: