Ուկրաինայի ազգայնական «Ազատություն» կուսակցությունը դեմ է Լուգանսկի դպրոցներում Եվրասիական միության խորհրդանիշների մրցույթի անցկացմանը, հայտնում է «Նովի ռեգիոնը»:
Ազգայնականները բողոք են ներկայացրել Ուկրաինայի ԱԾ: «Ասյպես կոչված Եվրասիական միության՝ մոսկովյան նոր կայսրության, քարոզն ուղղված է ուկրաինական տերության ոչնչացմանը և անթույլատրելի է»,-հայտարարում են նրանք:
Բողոքի հեղինակները պահանջում են, որ մրցույթը դադարեցվի, իսկ այն թույ տված պաշտոնյաները պատասխանատվության կանչվեն:
Անվտանգության ծառայության արձագանքը դեռևս հայտնի չէ:
Մրցույթը կազմակերպել է տեղաբնակ քաղաքական գործիչ Վլադիսլավ Կրիվոբոկովը: Հաղթողներին խոստացվել են մրցանակներ՝ այֆոններ և նոութբուքեր:
Նշենք, որ մրցույթին նվիրված թռուցիկում Եվրասիական միությունը նկարագրված է որպես «Ուկրաինայի, Ռուսաստանի, Բելառուսի, Ղազախստանի, Բալթիայի երկրների, Վրաստանի ու Հայաստանի եղբայրական ժողովրդների միություն»: Թե ինչի հիման վրա են վերոնշյալ երկրները հիշատակվում որպես ապագա միավորման անդամներ չի նշվում, հայտնում է Լենտա.ռու-ն:
