«Ազատ դեմոկրատներ» և «Բարգավաճ Հայաստան» կուսակցությունների օրակարգի խնդիրներում ընդհանրությունները շատ են: Կուսակցությունների այսօրվա հանդիպումը և քաղաքական քննարկումը ԲՀԿ-ական պատգամավոր Վարդան Օսկանյանը դրական է գնահատում: Նա տեղեկացրեց, որ կողմերը քննարկել են իերնց առաջարկները: «Խորհրդակցությունների այս ամբողջ ընթացքում օրակարգը հարստանում է: Քաղաքական ուժերն իրենց լրացուցիչ հարցերն են դնում: Եվ հնարավոր է դառնում ընդհանուր համակարգի շուրջ քաղաքական ուժերի համախմբումը»,- PanARMENIAN.Net-ի թղթակցին ասաց Վարդան Օսկանյանը:
Ավելացնենք, որ հանդիպմանը մասնակցել են «Ազատ դեմոկրատներ»-ից՝ կուսակցության նախագահ, ԱԺ պատգամավոր Խաչատուր Քոքոբելյանն ու պատգամավոր Ալեքսանդր Արզումանյանը, ԲՀԿ-ից՝ ԱԺ ԲՀԿ խմբակցության քարտուղար Նաիրա Զոհրաբյանն ու պատգամավոր Վարդան Օսկանյանը :
