Սիրիական կոալիցիայի շտաբը տեղակայվելու է Կահիրեում
Սիրիայի հեղափոխական և ընդդիմադիր ուժերի ազգային կոալիցիան վերջնական որոշում է կայացրել` իրենց շտաբը Կահիրեում տեղակայելու վերաբերյալ: Այս մասին ՄԵՆԱ գործակալությանը հայտնել է դրա առաջնորդ Ահմեդ Մուազ ալ-Հատիբը:
«Կահիրեում է տեղակայված լինելու մեր գլխավոր ներկայացուցչությունը: Այս հարցի վերաբերյալ որոշումն արդեն կայացվել է»,-ասել է նա:
Նոյեմբերի 11-ին Դոհայում ստեղծված Սիրիայի հեղափոխական և ընդդիմադիր ուժերի ազգային կոալիցիան իր գլխավոր խնդիրն է համարում, որպեսզի համաշխարհային հանրությունը ճանաչի այն` որպես սիրիացիների միակ օրինական ներկայացուցչություն:
Ավելի վաղ նա կոչ էր արել Արևմուտքին «օգնել ժամանակակից զենքով», ինչը, նրա համոզմամբ, «կթեթևացնի սիրիացիների տառապանքները», հաղորդում է ԻՏԱՐ-ՏԱՍՍ-ը:
