Ադրբեջանի սպորտի և երիտասարդության նախարար Ազադ Ռահիմովը հայտարարել է, որ գերատեսչությունն անընդհատ կապի մեջ է Ադրբեջանի բռնցքամարտի երիտասարադական հավաքականի հետ, որը Հայաստանում է և մասնակցում է աշխարհի երիտասարադական առաջնությանը:

«Մեր բռնցքամարտիկների անվտանգությունն ապահովվում է շատ բարձր մակարդակով: Մենք անընդհատ կապի մեջ ենք նրանց հետ: Մենք նրանցից հատկապես ոսկե մեդալներ ենք ակնկալում: Ցանկանում ենք, որպեսզի Երևանում հնչի Ադրբեջանի հիմնը»,-Ռահիմովի խոսքը փոխանցում է azerisport.com-ը:

Երևանում ընթացող աշխարհի առաջնությունում հանդես են գալիս Թուրալ Ահմեդովը (52 ք/կ),Նասրեդդին Մամեդովը (56 ք/կ), Պյարվիզ Բագիրովը (64 ք/կ), Սագի Սալեհլին (69 ք/կ), Օրխան Միլլին (75 ք/կ), Ռաուֆ Ռահիմովը (81 ք/կ), Ռոհիլ Մամեդլին (91 ք/կ):