Հայաստանի հավաքականի ավագ, «Դինամոյի» դարպասապահ Ռոման Բերեզովսկին մեծ ուրախությամբ է ընդունել Յուրա Մովսիսյանի` «Սպարտակ» տեղափոխվելը, ընդգծելով, որ Հայաստանի հավաքականի իր թիմակիցը կամրապնդի Վալերի Կարպինի ակումբը:
«Մովսիսյանի տեղափոխության մասին տեղեկացել եմ մամուլից: Նրա հետ անձամբ այս թեմայի շուրջ չենք զրուցել: Սակայն ես շատ լավ եմ ճանաչում Յուրային, ուստի կարող եմ միայն շնորհավորել «Սպարտակին»` հրաշալի ձեռքբերման համար: Մովսիսյանն ունի գոլային հրաշալի զգացում և դաշտում միշտ առանձնանում է իր աշխատասիրությամբ: Նա նաև երկու ոտքերով էլ հրաշալի հարվածների է տիրապետում:
Չնայած ռմբարկուի կարգավիճակին, Յուրան թիմային ֆուտբոլիստ է և նոր գործընկերներին հարմարվելու առումով, կարծում եմ, նա խնդիրներ չի ունենա: Համոզված եմ, որ Մովսիսյանը կկարողանա արագորեն նվաճել «Սպարտակի» երկրպագուների համակրանքը»,-Բերեզովսկու խոսքը հաղորդում է «Իզվեստիյան»: