Գրոսմայստեր Ավետիք Գրիգորյանը դարձել է Պավլոդարի (Ղազախստան) շախմատի միջազգային մրցաշարի հաղթողը:

Ղազախստանի անկախության օրվան նվիրված մրցաշարին մասնակցել է 107 շախմատիստ 9 երկրից:

Գրիգորյանը 10 տուրում 8 միավոր է վաստակել և ստացել է 3000 դոլար դրամական պարգև:

Գրոսմայստեր Հովհաննես Գաբուզյանը 7 միավորով ավարտեց ելույթը 8-րդ տեղում, իսկ Զավեն Անդրիասյանը 6,5 միավորով զբաղեցրեց 13-րդ տեղը: Հրայր Սիմոնյանը, նույնպես 6,5 միավորով, 20-րդ հորիզոնականում է: