Ֆրանսիայի իշխանությունների հակածխախոտային քարոզարշավը լիովին տապալված է համարվում, հաղորդում է BBC-ի Ռուսական ծառայությունը:
1991թ ընդունված ծխելու դեմ պայքարի միջոցների վերաբերյալ զեկույցում պնդվում է, որ քարոզարշավի սկզբում ծխողների թիվը նվազել է, սակայն վերջին 10 տարիների ընթացքում այն կրկին բարձրացել է:
Ամեն տարի Ֆրանսիայում ծխախոտը խլում է 73 հազար մարդու կյանք:
Փորձագետները համոզված են, որ միայն ծխախոտի գինն անընդհատ բարձրացնելով այդ երկրի քաղաքցիների մոտ կարելի է առաջացնել ծխախոտից հրաժարվելու ցանկություն: