Ավստրիացի ռեժիսոր Միխաել Հանեկեի «Սերը» ֆիլմը ճանաչվել է 2012թ. լավագույն ֆիլմը ԱՄՆ Կինոքննադատների ազգային ընկերակցության (National Society of Film Critics) կողմից, հայտնում է Լենտա. ռու-ն, ընկերակցության կայքի վրա հղումով:
Կինոժապավենը ևս երկու պարգևի է արժանացել՝ կանացի գլխվարո դերակատար Էմանուել Ռիվան ճանաչվել է տարվա դերասանուհի, իսկ տարվա ռեժիսոր է դարձել Միխաել Հանեկեն:
Լավագույն դերասան է ճանաչվել Դենիել Դեյ Լյուիսը «Լինքոլն» ֆիլմում գլխավոր դերի համար:
Երկրորդ պլանի տղամարդու և կնոջ լավագույն դերակատարման համար պարգևների են արժանացել Մեթյու Մաքքոնահին «Սուպեր Մայքում» դերակատարության համար, և Էմի Ադամսը «Վարպետում» Փեգգի Դոդի դերի համար:
Լավագույն փաստագրական ֆիլմ է ճանաչվել իսրայելյան «Դռնապաններ» ֆիլմը, լավագույն սցենար համարվել է «Լինքոլնի» սցենարը: