Ամերիկյան կինոակադեմիայի մրցանակաբաշխության շրջանակներում կցուցադրվի մի հատված, նվիրված Ջեյմս Բոնդի մասին ֆիլմաշարին, որը 2012թ. նշեց իր 50-ամյակը: Այդ մասին հայտնել է Լենտա.ռու-ն, The Wrap-ի վրա հղումով: Հանդիսավոր արարողությունը տեղի կունենա կիրակի, փետրվարի 24-ին:

Շոուի պրոդյուսերները մանրամասները չեն բացահայտում, սակայն ասել են, որ շատ ուրախ են, որ հնարավորություն կլինի հարգանքի տուրք մատուցել բոնդիանային:

ԶԼՄ-ներում լուրեր են շրջանառվում այն մասին, որ երգչուհի Ադելը կարող է մասնակցել արարողությանը՝ նա կատարել է Բոնդի մասին վերջին ֆիլմի գլխավոր երգը: Երգչուհին չի մեկնաբանում այդ լուրերը: