Այսօր հակերային հարձակման է ենթարկվել Հայաստանի Հանրապետության մշակույթի նախարարության հուշարձանների տեղեկատվական շտեմարանի կայքը /armmonuments.am/, քանի որ այնտեղ ներկայացված մշակույթը հակասում է ադրբեջանական քարոզչությանը և լույս սփռում իրականության վրա: Այս մասին PanARMENIAN.Net-ը տեղեկանում է նախարարության լրատվական բաժնից:

Տարածված հաղորդագրության մեջ նաև նշված է. «Ադրբեջանի իշխանությունները շարունակում են վարել քաղաքականություն, որը ուղղված է պատմության աղավաղմանը և Հայոց պատմամշակութային ժառանգության ոչնչացմանը, որի վառ վկայությունն է Ջուղան: Համացանցում տեղադրված մի շարք կայքեր, որոնք ներկայացնում են հայկական պատմամշակութային ժառանգությունը` հակասում են իրենց կողմից տարվող հակահայկական քարոզչությանը, ինչի համար էլ պարբերաբար ենթարկվում են կիբերհարձակումներ»: