«Ազատ դեմոկրատներ» կուսակցությունը գալիք նախագահական ընտրություններում առաջադրված թեկնածուներից որևէ մեկին չի սատարելու: Այս մասին ասված է կուսակցության վարչության տարածած հաղորդագրության մեջ:
«Ազատ դեմոկրատներ կուսակցության վարչությունը քննարկելով փետրվարի 18-ին կայանալիք ՀՀ նախագահի ընտրություններին առաջադրված ընդդիմադիր թեկնածուների ծրագրերը, մոտեցումներն ու նպատակները, արձանագրել է, որ նրանցից որևէ մեկը բավարար չափով չեն արտահայտում և համահունչ չեն Ազատ դեմոկրատներ կուսակցության առաջ քաշած մոտեցումներին և սկզբունքներին:
Միևնույն ժամանակ, դեմ լինելով քաղաքական գործընթացները բոյկոտելու մոտեցմանը, կոչ ենք անում մեր կուսակցության անդամներին և համակիրներին ակտիվորեն մասնակցել փետրվարի 18-ին կայանալիք նախագահի ընտրություններին և քվեարկել ընդդիմադիր թեկնածուների օգտին»,- ասված է հայտարարության մեջ:
