Փետրվարի 12-13-ին Մինսկում փորձագետները կքննարկեն երկրների համաշխարհային ժառանգության պահպանման կենտրոնի ստեղծումը, հայտնում է ԲԵԼՏԱ գործակալությունը՝ ԱՊՀ Գործկոմի մամլո ծառայության վրա հղումով:
Նիստը նվիրված կլինի կենտրոնի մասին դրույթների լրամշակմանը: Կենտրոնը նախատեսվում է ստեղծել ՅՈՒՆԵՍԿՕ-ի Մոսկվայի քաղաքաշինական ու ճարտարապետական հուշարձանների պահպանման ամբիոնի հենքի վրա: Ըստ նախագծի, կենտրոնը լինելու է ոչ առևտրային կազմակերպություն:
Կենտրոնը նաև կհամակարգի համատեղ նոմինացիոն դոսյեների ներկայացման նախապատրաստական աշխատանքները:
Նախորդ փորձագիտական քննարկումը տեղի է ունեցել 2012թ. հոկտեմբերին: Նիստին մասնակցել են Հայաստանը, Բելառուսը, Ղազախստանը, Ղրղզստանը, Ռուսաստանը, Տաջիկստանը, Թուրքմենստանն ու Ուկրաինան: