Թուրք ազգայնականները դեմ են THY ինքնաթիռներում «Ակոսի» տարածմանը
Թուրքիայի ազգայնական գործողության կուսակցությունը տխուր փաստ է համարում «Ակոս» հայկական թերթի տարածումը «Թուրքական ավիաուղիների» (THY) ինքնաթիռներում, ասել է կուսակցության մամլո քարտուղար, պատգամավոր Կորայ Այդին Հարուն Արսլանը:
«Թուրքական ավիաուղիների» այդ գործողություններն անընդունելի են»,-ասել է Արսլանը:
Ըստ նրա, ցավոք, «Թուրքական ավիաուղիները» մինչ օրս թույլ չեն տալիս ինքնաթիռներում տարածել Թուրքիայի ազգային շահն արտացոլող թերթեր: «Թուրքական ավիաուղիները» անհարգալից վերաբերմունք են դրսևորել ոչ միայն թուրք-ադրբեջանական եղբայրության, այլ ողջ թրքական աշխարհի հանդեպ, ասել է Արսլանը «Թրենդի» փոխանցմամբ:
Փետրվարի 21-ից «Թուրքական ավիաուղիների» ինքնաթիռներում բաժանում են հայկական «Ակոս» թերթը:
