Հայաստանի նախագահին առընթեր ազգային անվտանգության խորհրդի քարտուղար, պաշտպանության նախարար Սերժ Սարգսյանը եւ ԵԱՀԿ երեւանյան գրասենյակի ղեկավար, դեսպան Վլադիմիր Պրյախինը ստորագրեցին «Հրթիռային վառելիքի բաղադրիչների պաշարների` մելանժի վերացման ծրագրի 3 փուլի իրականացման մասինե փոխըմբռնման հուշագիր: Այդ մասին PanARMENIAN.Net-ին է հաղորդել Հայաստանի պաշտպանության նախարարի մամլո քարտուղար Սեյրան Շահսուվարյանը: Ծրագրի իրականցման արդյունքում մելանժը վերամշակվում է ընդունելի եւ էկոլոգիապես մաքուր պարարտանյութի, որը օգտագործվելու է թթվա-հիմնային հաշվեկշռով (pH) աղքատ հողերը պարարտացնելու համար: Շնորհակալություն հայտնելով նախարարին` Վլադիմիր Պրյախինը փաստեց, որ ծրագրի երեք փուլերի իրականացմանը նպաստեց ՀՀ ՊՆ բարձր որակավորում ունեցող մասնագետների կողմից ցուցաբերած օրինակելի աջակցությունը: