Երեկ երեկոյան ՀՅԴ ԳՄ շենքում տեղի է ունեցել «Բարգավաճ Հայաստանի», Հայ հեղափոխական դաշնակցության և «Ժառանգության» ներկայացուցիչների եռակողմ հանդիպումը: Այս մասին PanARMENIAN.Net-ի թղթակցի հետ զրույցում հայտնեց «Ժառանգություն» կուսակցության մամուլի խոսնակ Հովսեփ Խուրշուդյանը: Հանդիպմանը քննարկվել են համագործակցության վերաբերյալ հարցեր, այդ թվում` մայիսի 5-ին կայանալիք Երևանի ավագանու ընտրությունների մասնակցության ձևաչափը:
Հովսեփ Խուրշուրդյանը տեղեկացրեց, որ հանդիպման նախաձեռնողը «Ժառանգությունը» չի եղել, իրենք մասնակցել են հյուրի կարգավիճակով:
Նկատենք, որ հանդիպմանը չի մասնակցել Հայ ազգային կոնգրեսը, չնայած, որ ՀԱԿ ներկայացուցիչները ևս կողմ են արտահայտվել համագործակցությանը` մասնավորապես, Երևանի ավագանու ընտրություններին միասնական ցուցակով մասնակցելուն:
