Մարդու իրավունքների միության Ստամբուլի գրասենյակի ներկայացուցիչը` փաստաբան Էրեն Քեսքինը, հանդիպել է Սամաթյայի գործով /Ստամբուլի այդ թաղամասում տարեց հայ կանանց վրա հարձակումներ/ միակ կասկածյալ Մուրադ Նազարյանի հետ, ով պահվում է կալանքի տակ: Այս մասին PanARMENIAN.Net-ը տեղեկանում է իրավապաշտպան կազմակերպության գրասենյակից:
Փաստաբանի խոսքով Նազարյանը զրույցի ժամանակ ասել է. «Քույրիկ, ես ոչինչ չեմ հիշում, ես չեմ կարող անգամ մեկ մարդու ապտակել, չեմ կարող ոչ ոքի ծեծել: Բայց, եթե ոստիկանությունն ասում է, միգուցե նման բան եղել է»:
Է. Քեսքինը նշել է, որ հնարավոր է Նազարյանը չի կատարել այդ հանցանքներ, իսկ եթե կատարել է, ապա ոչ միայնակ, որովհետև ֆիզիկապես ու հոգեպես թույլ է:
Իրավապաշտպան կազմակերպությունը Թուրքիայի կառավարությունից պահանջել է խորը և համակողմանի հետաքննություն անցկացնել, իսկ ոստիկանությունից` վերացնել գաղտնիությունը, որով ընթանում է այդ հետաքննությունը:
