ՀԱԿ անդամները շարունակում են լռել և չեն հայտնում, թե ով է գլխավորելու իրենց ցուցակը Երևանի ավագանու ընտրություններում: Տեղեկություններ են շրջանառվում, որ ցուցակը կգլխավորի ՀԱԿ կենտրոնական գրասենյակի ներկայացուցիչ, տնտեսագետ Վահագն Խաչատրյանը, ով 1992 թվականից մինչև 1996 թվականը զբաղեցրել է Երևանի քաղաքապետի պաշտոնը:
PanARMENIAN.Net-ի թղթակցի հետ զրույցում Վահագն Խաչատրյանը ոչ հերքեց, ոչ հաստատեց տեղեկությունը: «Դեռևս վերջնական որոշում չկա»,- ասաց նա:
«Չորրորդ ինքնիշխանություն» թերթն էլ հայտնում է, որ ՀԱԿ ցուցակի երկրորդ տեղում ՀԱԿ ներկայացուցիչ, «Ժողովրդի իշխանություն» նախաձեռնության նախագահ Զոյա Թադևոսյանն է, ով դասավանդում է Հայաստանի պետական տնտեսագիտական համալսարանում: Երրորդ տեղում է Հայ ագգային կոնգրեսի մամուլի խոսնակ Արման Մուսինյանը:
