Արթուր Շահինյանը կպայքարի ԵԱ բրոնզե մեդալի համար
Հունահռոմեական ոճի ըմբիշ Արթուր Շահինյանը (84 կգ) Թբիլիսիում ընթացող Եվրոպայի առաջնությունում չկարողացավ դուրս գալ եզրափակիչ:
Կիսաեզրափակչում նա երկու մրցափուլերում պարտվել է Վլադիմեր Գեգեշիձեից (Վրաստան): Հայ հունահռոմեական ըմբիշը կպայքարի բրոնզե մեդալի համար:
Քառորդ եզրափակչում նրա մրցակիցը ֆին Վելի Հալքլանն էր, որին հայ ըմբիշը հաղթեց:
Մինչ այդ, Շահինյանն առավելության էր հասել Դամիան Յանիկովսկու (Լեհաստան) և Պետեր Բեչսիի (Հունգարիա) նկատմամբ:
Հայ հունահռոմեականներից երկրորդ տարին անընդմեջ Եվրոպայի չեմպիոնի կոչումը նվաճեց Օլիմպիական խաղերի բրոնզե մեդալակիր Արթուր Ալեքսանյանը, իսկ Վաչիկ Եղիազարյանը դարձավ բրոնզե մեդալակիր:
