«Ժառանգություն» կուսակցության մամուլի խոսնակ Հովսեփ Խուրշուդյանը հերքում է մամուլում շրջանառվող լուրերը, թե Սերժ Սարգսյանը Րաֆֆի Հովհաննիսյանին մի քանի անգամ, գրեթե բաց տեքստով առաջարկել է ղեկավարել ՀՀ վերահսկիչ պալատը և առաջարկը նույնիսկ միջնորդավորված կերպով է արվել:
«Կան չարակամ ուժեր, որոնք ամեն կերպ փորձում են հարվածել շարժմանը, այս պայքարին: Մենք հասկանում ենք որտեղից կարող են ուղղորդվել այդ լուրերը»,- PanARMENIAN.Net-ի թղթակցի հետ զրույցում ասաց Հովսեփ Խուրշուրդյանը:
Ավելացնենք, որ այս տարվա նոյեմբեր ամսին լրանում է Վերահսկիչ պալատի նախագահ Իշխան Զաքարյանի պաշտոնավարման ժամկետը: