Ազատության հրապարակում «Ժառանգություն» կուսակցության առաջնորդ Րաֆֆի Հովհաննիսյանի հայտարարած հացադուլին մնում է մեկ օր: Արդեն 21 օր հացադուլի մեջ գտնվող Րաֆֆի Հովհաննիսյանին այսօր այցելել է Հայաստանում ԵՄ պատվիրակության ղեկավար Տրայան Հրիսթեան:
Ազատության հրապարակում են եղել նաև Եզդիների միության նախագահ Ազիզ Թամոյանը, «Սարդարապատ» շարժման նախաձեռնող խմբի անդամ, Շուշիի առանձնակի գումարտակի հրամանատար Ժիրայր Սեֆիլյանը և այլ մարդիկ։
Հիշեցնենք, որ երեկ տեղի ունեցած հանրահավաքի ժամանակ Րաֆֆի Հովհաննիսյանը հայտարարեց, որ Սուրբ Հարության տոնի պատարագից հետո կդադարեցնի հացադուլը: Րաֆֆի Հովհաննիսյանն ասաց, որ առանց կազդուրվելու պատրաստվելու են ապրիլի 9-ին: Ապրիլի 1-ից լինելու են տարբեր բնակավայրերում, որպեսզի ապրիլի 9-ի համար քաղաքացիական բանակ հավաքեն: Առաջին այցը կլինի Կապան: