Ուկրաինան, որպես ԵԱՀԿ գործող նախագահ, մտադիր է ուսումնասիրել իրավիճակը Կովկասում և Վրաստանում: Այդ մասին ճեպազրույցում հայտարարել է Ուկրաինայի ԱԳՆ տեղեկատվական քաղաքականության դեպարտամենտի պաշտոնակատար Եվգենի Պերեբիյնիսը:
Ըստ նրա, ԵԱՀԿ-ում Ուկրաինայի հատուկ և մշտապես գործող ներկայացուցիչ Անդրեյ Դեշիցան աշխատանքային այցով կժամանի Հարավային Կովկաս:
Դեշիցան ապրիլի 14-15-ին կայցելի Ադրբեջան, ապրիլի 15-16-ին՝ Վրաստան, իսկ 16-17-ին՝ Հայաստան:
«Այցի շրջանակներում կուսումնասիրվի իրավիճակը տարածաշրջանում, կքննարկվեն ղարաբաղյան հակամարտության կարգավորման միջոցները»,-ասել է Պերեբեյնիսը, հայտնում է «Նովի ռեգիոնը»: