Բաշար Ասադը հարցազրույց է տվել al-Ikhbariya հեռուստաալիքին Սիրիայի Անկախության օրվա առթիվ: 67 տարի առաջ Ֆրանսիան սիրիական ազգային ազատագրական շարժման արդյունքում ստիպված եղավ հրաժարվել իր գաղութից և Սիրիան անկախություն ստացավ:
Ասադն ասաց, որ իր կառավարության պարտությունը աղետալի կլինի Սիրիայի համար: Միայն հաղթանակ, այլ ելք ես չունեմ: Հակառակ դեպքում դա կլինի Սիրիայի վերջը, չեմ կարծում, որ սիրիական ժողովուրդը կգնա դրան»,-ասել է նա:
«Մեր իրավիճակը հիշեցնում է այն, որում հայտնվեց Արևմուտքն Աֆղանստանում, երբ ֆինանսավորելով «Ալ Քայիդան» նրա սկզբնավորման ժամանակ, հետո ստիպված եղավ թանկ վճարել դրա համար: Այսօր արևմտյան պետությունները օգնում են ծայրահեղականներին Սիրիայում, Լիբիայում և այլուր, իսկ հետո կգա հատուցելու նրանց հերթը Եվրոպայի ու ԱՄՆ հենց սրտում»,-ասել է Ասադը:
