Ապրիլի 22-26-ը Եվրոպայի խորհրդի խորհրդարանական վեհաժողովի նստաշրջանի ընթացքում քննարկվել է Թուրքիայի մասին զեկույցը, որի վերաբերյալ հայկական կողմը հանդես է եկել երկու առաջարկությամբ, որոնք վերաբերել են կրոնական փոքրմասնություններին և նրանց կրթական իրավունքներին։
Այսօր լրագրողների հետ հանդիպման ժամանակ ԵԽԽՎ հայաստանյան պատվիրակության ղեկավար Դավիթ Հարությունյանը տեղեկացրեց, որ հայկական կողմը առաջարկել է վերականգնել Թուրքիայիում կրոնական փոքրամասնությունների՝ իրավաբանական ծառայություններից և կրթական իրավունքից օգտվելու հնարավորությունը։ Հանձնաժողովը առաջարկություններին դրական եզարակացություն է տվել, և փոփոխություններ են կատարվել զեկույցում:
Ապրիլի 24-ին հայկական պատվիրակությունը մասնակցել է Ստրասբուրգի Հանրապետության հրապարակում Հայոց ցեղասպանության 98-րդ տարելիցի կապակցությամբ կազմակերպված միջոցառմանը:
