Երևանի ավագանու ընտրությունների քվեարկության օրը ՀՀ ոստիկանության անձնագրային և վիզաների վարչության կողմից քաղաքացիներին տրամադրվել էանձը ժամանակավորապես հաստատող 140 փաստաթուղթ, ընտրողների ցուցակում ընդգրկված չլինելու մասին 6 տեղեկանք: Անձնագրային ծառայությունների դեմ դատական հայցեր չեն ներկայացվել:
2012 թ. մայիսի 6-ին կայացած ՀՀ Ազգային ժողովի ընտրությունների ժամանակ ՀՀ ոստիկանության անձնագրային և վիզաների վարչության կողմից տրամադրվել էր անձը ժամանակավորապես հաստատող 1407 փաստաթուղթ, ընտրողների ցուցակում ընդգրկված չլինելու մասին 160 տեղեկանք: Դատական կարգով լրացուցիչ ցուցակներ են ընդգրկվել 9 ընտրող:
2013 թ. փետրվարի 18-ին կայացած ՀՀ նախագահի ընտրությունների ժամանակ ՀՀ ոստիկանության անձնագրային և վիզաների վարչության կողմից տրամադրվել էր անձը ժամանակավորապես հաստատող 606 փաստաթուղթ, ընտրողների ցուցակում ընդգրկված չլինելու մասին 12 տեղեկանք: Դատական կարգով լրացուցիչ ցուցակներ են ընդգրկվել 13 ընտրող:
Այս մասին հայտնում են ոստիկանության հասարակայնության հետ կապերի և լրատվության վարչությունից: