«ՀՀ բնապահպանության նախարարության ծրագրերը հետևողական բնույթ են կրում, մենք պատրաստ ենք լուծել բոլոր խնդիրները, որոնք կդրվեն մեր առջև»,-լրագրողներին է հայտարարել նախարար Արամ Հարությունյանը կառավարության նիստից հետո:
Մայիսի 8-ին տեղի ունեցավ կառավարության նոր կազմի առաջին նիստը, որը նախագահում էր ՀՀ նախագահը:
Անդրադառնալով այն հարցին, որ նախարարի անունն ու նախարարության աշխատանքը մշտապես շրջանառվում են հանրության շրջանում՝ Արամ Հարությունյանն ասաց, որ դա ոչ մի կերպ չի անդրադառնում լիազորությունների կատարման վրա: «Նախարարությունը աշխատող օղակ է, հարցերը, որոնք լուծում է նախարարությունը, բնականաբար, կապված են էկոնոմիկայի, շրջակա միջավայրի հետ, ուստի գտնվում են հանրության ուշադրության կենտրոնում: Դա մեզ ստիպում է ավելի հավաք լինել, ավելի մեծ պատասխանատվությամբ մոտենալ դրված խնդիրների լուծմանը»,-ասել է նա:
