ԱՄՆ դեսպանությունը, Հայաստանում Եվրոպական միության պատվիրակությունը, Հայաստանում Մեծ Բրիտանիայի դեսպանությունը, ԵԱՀԿ երևանյան գրասենյակը, Եվրոպայի խորհրդի Երևանյան գրասենյակը, «Քաունթերփարթ ինթերնեյշնլ» կազմակերպությունը Հայաստանում ԱՄՆ դեսպանատանը մրցանակներ են հանձնել:
Դրանով մեծարվել են այն անհատները, ովքեր հանդես են գալիս Հայաստանում մարդու իրավունքների պաշտպանության, հաշվետու կառավարման ու ազատ խոսքի խթանման դիրքերից:
Հայաստանում ԵՄ պատվիրակության ղեկավար դեսպան Թրայան Հրիսթեան Ալավերդու քաղաքապետ Արտավազդ Վարոսյանին հանձնել է տեղական ինքնակառավարման բարեփոխչի պարգևը:
Երևանում Եվրոպայի խորհրդի գրասենյակի ղեկավար Օլեքսանդր Պավլյուկը Ասպարեզ ակումբի ղեկավար Լևոն Բարսեղյանին հանձնել է ազատության պաշտպանի մրցանակը: Մեծ Բրիտանիայի դեսպան Քեթի Լիչը Իրավունքի Եվրոպա Միավորմանը հանձնել է քաղաքացիական ակտիվիզմ մրցանակը:
«Քաունթերփարթ ինթերնեյշնլ» կազմակերպության ղեկավար Քարլ Հոֆսթրան Սիվիլնեթին հանձնել է մեդիա գերազանցության մրցանակը:
