ՖԻՖԱ-ն հետաձգել է ԱԱ-2014 տոմսերի գները հայտարարելու օրը
ՖԻՖԱ-ի ադմինիստրատիվ խորհուրդը հետաձգել է 2014 թվականին Բրազիլիայում կայանալիք ֆուտբոլի աշխարհի առաջնության տոմսերի գները հայտարարելու օրը:
ՖԻՖԱ-ի գլխավոր քարտուղար Ժերոմ Վալկեն ընդգծել է, որ սա կապված չէ Կոնֆեդերացիայի գավաթի ժամանակ բրազիլացիների կողմից կազմակերպված բողոքի ակցիաների հետ:
«Մենք ուսումնասիրում ենք այն ամենը, ինչ տեղի ունեցավ Կոնֆեդերացիայի գավաթի ժամանակ: Ցանկանում ենք խուսափել այն իրավիճակներից, երբ խաղից երկու օր առաջ դեռ 10 հազար տոմս մնացել էր չվաճառված»,- ասել է Վալկեն:
Սպասվում է, որ տոմսերի վերջնական գների հարցը կլուծվի հուլիսի 19-ին:
