ԱՄՆ սենատորներ Մաքքեյնն ու Գրեմը առաջարկել են Վրաստանն ընդգրկել ՆԱՏՕ-ի կազմում
Ամերիկացի սենատորներ Ջոն Մաքքեյնն ու Լինդսի Գրեմը հավանություն են տվել այսպես կոչված «Մագնիտսկու ցուցակի» ընդլայնմանը, Եվրոպայում ՀՀՊ տարրերի տեղակայման գաղափարին, ինչպես նաև ՆԱՏՕ-ի ընդլայնման նոր փուլի մեկնարկին:
Ըստ վրացական ԶԼՄ-ների, նրանք համատեղ հայտարարություն են հրապարակել, որն արված է «սառը պատերազմի ոգով», որտեղ կոչ են արել ավելի իրատեսական մոտեցում որդեգրել ՌԴ հետ հարաբերություններում»:
Սենատորները նաև հավանություն են տվել ԱՄՆ նախագահ Բարաք Օբամայի Մոսկվա կատարելիք այցը չեղյալ հայտարարելուն:
Նրանց կարծիքով, Վաշինգտոնը պետք է զգալիորեն ընդլայնի «Մագնիտսկու ցուցակը», քայլեր ձեռնարկի Եվրոպայում ՀՀՊ տարրերի տեղակայման առումով և «արագ ընթանա դեպի ՆԱՏՕ-ի ընդլայնման նոր փուլի մեկնարկը, այդ թվում նաև Վրաստանի ընդգրկման միջոցով»:
