Ռուսաստանի Դաշնության նախագահ Վլադիմիր Պուտինը կարծում է, որ Լեռնային Ղարաբաղի խնդրի լուծումը հնարավոր է միայն քաղաքական մեթոդներով: Այս մասին նա հայտարարել է Ադրբեջանի նախագահի հետ քննարկումների արդյունքերն ամփոփող մամուլի ասուլիսի ժամանակ:
«Բանակցությունների ընթացքում մենք անդրադարձանք միջազգային արդիական խնդիրների, այդ թվում` ԼՂ հարցին: Ռուսաստանն ակտիվորեն աջակցում է հակամարտության շուտափույթ կարգավորմանը»,- ասել է Վլադիմիր Պուտինը, հաղորդում է ՐԻԱ «Նովոստի»-ն: