Սիրիայի կառավարական զորքերը ուրբաթ օրը որոգայթ էին լարել ապստամբների դեմ Դամասկոսի մերձակայքում, որի արդյունքում զոհվեց առնվազն 40 ընդդիմադիր գրոհային, հայտնում է ВВС-ին:
Որոգայթը զինվորականների հարձակողական գործողության մի մասն էր ապստամբների դեմ:
Նույն օրը քուրդ գրոհայինները կռվում էին ջիհադիստների հետ Իրաքի սահմանից ոչ հեռու, որի արդյունքում զոհեր կան երկու կողմերից, սակայն հստակ թիվը պարզ չէ:
Նման մարտերը գնալով ավելի են տարածվում Սիրիայում՝ ավելի մեծ շրջաններ ներգրավելով քաղաքացիական պատերազմի մեջ: Սիրիայում արդեն 2 տարի է քաղաքացիական պատերազմ է: Այդ ընթացքում, ՄԱԿ տվյալներով, ավելի քան 115 հազար մարդ զոհվել է, 2 մլն՝ դարձել փախստական, ևս 4 մլն՝ ներքին տեղահանված անձինք են:Ամեն օր մոտ 6 հազար սիրիացի փախստական է դառնում: