Ֆինլանդիայի վարչապետ. ԵՄ-ն կարող է սառեցնել բանակցությունները Թուրքիայի հետ
Եվրամիությունը կարող է սառեցնել Թուրքիայի հետ բանակցությունները վերջինիս ԵՄ մտնելու հարցով: Այդ մասին հայտարարել է Ֆինլանդիայի վարչապետ Մատտի Վանխանենը, ում երկիրը 2006 թ. հուլիսի 1-ից կսկսի նախագահել ԵՄ-ում, հայտնում է Associated Press-ը: «Միշտ հնարավորություն կա կանգնեցնել բանակցային գործընթացը: Ես կարծում եմ` Թուրքիան գիտի այդ մասին»,- նշել է Վանխանենը:
Ֆինլանդիայի վարչապետը նաեւ ընդգծել է, որ պաշտոնական Անկարան պետք է կտարի բոլոր պայմանները բանակցությունների շարունակության համար: Մասնավորապես, Մ. Վանխանենը կոչ արեց Թուրքիային անմիջապես բարելավել իր հարաբերությունները ԵՄ անդամ Կիպրոսի հետ, որին Թուրքիան հրաժարվում է ճանաչել: Մ. Վանխանենի կարծիքով, Թուրքիա` ԵՄ մտնելու վերաբերյալ հարցը Ֆինլանդիային` որպես ԵՄ-ում նախագահող երկիր, չափազանց բարդ է ներկայանում:
Նշենք, որ երեկ միության ընդլայնման հարցերով ԵՄ կոմիսար Օլլի Րենը հայտարարել էր, որ Թուրքիայի հետ բանակցությունները կարող են կանգնեցվել կամ հետաձգվել մինչ այն ժամանակը, որ Անկարան կկատարի Եվրամիության առաջադրած բոլոր պահանջները:
Ֆինլանդիայի վարչապետը նաեւ ընդգծել է, որ պաշտոնական Անկարան պետք է կտարի բոլոր պայմանները բանակցությունների շարունակության համար: Մասնավորապես, Մ. Վանխանենը կոչ արեց Թուրքիային անմիջապես բարելավել իր հարաբերությունները ԵՄ անդամ Կիպրոսի հետ, որին Թուրքիան հրաժարվում է ճանաչել: Մ. Վանխանենի կարծիքով, Թուրքիա` ԵՄ մտնելու վերաբերյալ հարցը Ֆինլանդիային` որպես ԵՄ-ում նախագահող երկիր, չափազանց բարդ է ներկայանում:
Նշենք, որ երեկ միության ընդլայնման հարցերով ԵՄ կոմիսար Օլլի Րենը հայտարարել էր, որ Թուրքիայի հետ բանակցությունները կարող են կանգնեցվել կամ հետաձգվել մինչ այն ժամանակը, որ Անկարան կկատարի Եվրամիության առաջադրած բոլոր պահանջները:
