Ադրբեջանի պաշտպանական գերատեսչության տարածած տեղեկատվությունը, թե Արցախի Պաշտպանության բանակնԱղդամի ուղղությամբ դիվերսիոն ներթափանցման փորձ է իրականացրել, իրականությանը չի համապատասխանում:
Ավելի վաղ ադրբեջանական պաշտպանական գերատեսչությունը տեղեկություն էր տարածել, իբր երեկոյան հայկական կողմն Աղդամի շրջանի ուղղությամբ դիվերսիայի փորձ է իրականացրել:
«Կարճատև փոխհրաձգությունից հետո, մեծ կորուստներ կրելով, հակառակոդրը նահանջել է: Գերի է վերցվել դիվերսիոն խմբի անդամ, ըստ նախնական տեղեկատվության, պրոֆեսիոնալ զինծառայող Արսեն Բաղդասարյանը»,- ասվում էր ադրբեջանցիների հաղորդագրությունում, գրում է Trend-ը:
Անդրադառնալով Արսեն Էդուարդի Բաղդասարյանի գերեվարմանը, ՊԲ-ից հայտնում են, որ տվյալ անձը, լինելով ՊԲ պայմանագրային զինծառայող, պարբերաբար ինքնակամ լքել է իր մշտական տեղակայման վայրը, որի համար հրամանատարության որոշմամբ, կարգապահական խախտումներ կատարելու հիմնավորումով, ժամանակավորապես հեռացված է եղել ծառայությունից:
Միջադեպի հետ կապված մանրամասները ճշտվում են, տեղեկացնում է ՊԲ մամուլի ծառայությունը:
Կարդացեք նաև՝ Շաբաթը շփման գծում. 11.000 կրակոց և դիվերսիայի մի քանի փորձ