Չինաստանը մտադիր է ապագայում առևտրի ազատ գոտի ստեղծել Եվրասիական տնտեսական միության հետ: Այդ մասին հայտարարել է Պեկինում Ռուսաստանի դեսպան Անդրեյ Դենիսովը:
Ըստ դիվանագետի, նախկինում չինացի գործընկերները զգուշավոր էին այդ հարցում, սակայն այժմ համոզվել են, որ գործակցությունը հեռանկարային է ոչ միայն առանձին երկրների՝ Ղազախստանի, Բելառուսի, Ռուսաստանի, Հայաստանի, հեռանկարում նաև Ղրղզստանի, այլ նաև ամբողջ միավորման հետ:
Ինչպես նշել է դեսպանը, Առևտրի ազատ գոտու ստեղծումը Չինաստանի հետ թեև ոչ հեռավոր, սակայն ապագայի հարց է, բայց հարցը օրակարգում է: «Գործակցության մեխանիզմների կցման մասին խոսք է գնում արդեն այժմ»,-ասել է նա, հայտնում է ՌԻԱ Նովոստի գործակալությունը:
ԵՏՄ հիմնական գործընկերների, մասնավորապես Չինաստանի հետ առևտրատնտեսական գործակցության գերակա ուղղությունները քննարկվել են Մոսկվայում՝ Եվրասիական միջկառավարական խորհրդի առաջին նիստում: Դեկտեմբերի վերջում ՌԴ ԱԳՆ-ն հայտնեց, որ մոտ 40 երկիր ու միավորում շահագրգռված է ԵՏՄ հետ ազատ առևտրի գոտիներ ստեղծելու հարցում:
Ավելի ուշ, Ղազախստանի փոխնախարար Թիմուր Ժակսիլիկովը հայտարարեց, որ բանակցություններ են ընթանում Նոր Զելանդիայի, Թուրքիայի, Հնդկաստանի, Լատինական Ամերիկայի երկրների հետ:
Հայաստանը ԵՏՄ լիիրավ անդամ դարձավ 2015-ի հունվարի 2-ից:
Պայմանագրով նախատեսվում է 1-8 տարի տարի Հայատանի և ԵՏՄ մաքսային տոկոսադրույքների ներդաշնակեցման համար, 12-60 ամիս՝ Մաքսային միության տեխնիկական կանոնակարգերի ընդունման, 3 տարի՝ մտավոր սեփականության օբեյկտենրի իրավունքների պահպանության ու պաշտպանության հարցերի կարգավորման համար: Անցումային շրջանում ԵՏՄճ-ն իրավունք ունի որոշելու Հայաստանի տարածք իր ապրանքների ներմուծման հատուկ կարգը: Պայմանագրով նախատեսվում են նաև աօրանքների տեղափոխման առանձնահատկությունները օտար պետությունների տարածքով:
Հայաստանը կստանա ԵՏՄ մաքսային մուտքերի 1,13 տոկոսը: