Ադրբեջանը մերժում է համագործակցության վերաբերյալ Ղարաբաղի ցանկացած առաջարկ
«Ադրբեջանի կողմից համագործակցության առաջարկներ չեն եղել, եւ ընդհանրապես, ես չեմ գտնում, որ Բաքուն համագործակցություն հաստատելու եւ կառուցողական մթնոլորտ ստեղծելու նպատակներ ունի»,- հայտարարել է ԼՂՀ նախագահ Արկադի Ղուկասյանը: Նրա խոսքերով, Ադրբեջանը այլ նպատակներ ունի. Ղարաբաղի շուրջ խնդիրներ ստեղծել եւ հասնել նրան, որպեսզի միջազգային հանրությունը քննադատի այն, ինչ տեղի է ունենում Ղարաբաղում: «Եթե Ադրբեջանի կողմից համագործակցության վերաբերյալ առաջարկություններ հնչեին, մենք ուրախությամբ ընդառաջ կգնայինք»,- ասել է ԼՂՀ նախագահը:
ԼՂՀ նախագահի խոսքերով, երկրի իշխանությունները բազմաթիվ անգամներ դիմել են ադրբեջանցի գործընկերներին նմանատիպ առաջարկներով, սակայն անարդյունք: «Մենք գտնում ենք, որ որքան շատ շփվենք ադրբեջանցիների հետ, հակամարտությունը կարգավորելու այնքան ավելի շատ շանսեր կան: Մենք սահմանամերձ շրջաններում բազմաթիվ հարցեր ունենք` կապված ջրի, հրդեհների եւ այլ խնդիրների հետ: Համոզված եմ, որ Ադրբեջանի սահմանամերձ շրջանների բնակչությունը եւս շահագրգռված է շփումների մեջ, քանի խոսքը նրանց ամենօրյա խնդիրների մասին է: Սակայն դրա դեմ միշտ հանդես են եկել Ադրբեջանի իշխանությունները, որոնք մերժում են համագործակցության վերաբերյալ Ղարաբաղի ցանկացած առաջարկ»,- ասել է ԼՂՀ նախագահը, հայտնում է KarabakhOpen-ը:
ԼՂՀ նախագահի խոսքերով, երկրի իշխանությունները բազմաթիվ անգամներ դիմել են ադրբեջանցի գործընկերներին նմանատիպ առաջարկներով, սակայն անարդյունք: «Մենք գտնում ենք, որ որքան շատ շփվենք ադրբեջանցիների հետ, հակամարտությունը կարգավորելու այնքան ավելի շատ շանսեր կան: Մենք սահմանամերձ շրջաններում բազմաթիվ հարցեր ունենք` կապված ջրի, հրդեհների եւ այլ խնդիրների հետ: Համոզված եմ, որ Ադրբեջանի սահմանամերձ շրջանների բնակչությունը եւս շահագրգռված է շփումների մեջ, քանի խոսքը նրանց ամենօրյա խնդիրների մասին է: Սակայն դրա դեմ միշտ հանդես են եկել Ադրբեջանի իշխանությունները, որոնք մերժում են համագործակցության վերաբերյալ Ղարաբաղի ցանկացած առաջարկ»,- ասել է ԼՂՀ նախագահը, հայտնում է KarabakhOpen-ը:
