Ռուսաստանը և Հայաստանը հումանիտար արձագանքման համատեղ փրկարարական կենտրոն կբացեն, հայտնում է ՌԻԱ Նովոստի գործակալությունը ՌԴ արտակարգ ծառայություններում աղբյուրի վրա հղումով:
«Ռուս-հայկական հումանիտար արձագանքման կենտրոնի կազմում կլինեն արձագանքման բոլոր համակարգերը, ներառյալ` ավիացիոն տեխնոլոգիաները: Մենք արդեն սկսում են կենտրոնի կազմավորումը, այնտեղ կլինի այն ամենն, ինչ անհրաժեշտ է մեծ աղետներին արձագանքելու համար` երկրաշարժերի, ջրհեղեղների, տեխնածին վթարների դեպքում»,-ասել է ՌԴ ԱԻՆ ղեկավար Վլադիմիր Պուչկովը:
Ըստ նրա, միջկառավարական կենտրոնի ստեղծման մասին համաձայնագրի ստորագրումը տեղի կունենա Մոսկվայում բացված «Համալիր անվտանգություն-2015» միջազգային սրահի շրջանակներում:
«Համաձայնագիր կստորագրվի ՌԴ կառավարության և Հայաստանի Հանրապետության միջև մարդասիրական արձագանքման ռուս-հայկական կենտրոնի ստեղծման մասին, որը տեղակայվելու է Հայաստանի Գետարգել ավանում: Կենտրոնը թույլ կտա օպերատիվ և արդյունավետ կերպով արձագանքել արտակարգ իրավիճակներին երկու պետությունների սահմանամերձ տարածքներում, ինչպես նաև երրորդ երկրներում»,- ասել է նա:
Նշվել է նաև, որ կենտրոնում կպատրաստվեն և որակավորում կստանան արտակարգ իրավիճակների կանխման և հետևանքների վերացման ոլորտի մասնագետներ, ինչպես նաև հումանիտար ականազերծման մասնագետներ:
