Ասիական զարգացման բանկը ՀՀ-ին $112 մլն 970 հազարի չափով վարկ կտրամադրի «Քաղաքային կայուն զարգացման ներդրումային ծրագրի» շրջանակում: Վարկային համաձայնագրին հավանություն տալու վերաբերյալ որոշման նախագիծը ներառված է կառավարության հոկտեմբերի 29-ի նիստի օրակարգում:
Վարկի մարման ժամկետն է 22 տարի, որից արտոնյալը` 15 տարի:
«Քաղաքային կայուն զարգացման ներդրումային ծրագրի» նպատակն է Հայաստանի քաղաքներում բարելավել քաղաքային տրանսպորտի ենթակառուցվածքները` ապահովելով ավելի արդյունավետ, ապահով և մատչելի տրանսպորտային ծառայություններ:
Ծրագիրը բաղկացած է հետևյալ բաղադրիչներից` քաղաքային տրանսպորտի ենթակառուցվածքի, կառույցի, ծրագրի իրականացման բաղադրիչներ:
«Քաղաքային կայուն զարգացման ներդրումային ծրագիր» վարկային համաձայնագիրը Հայաստանի և Ասիական զարգացման բանկի միջև ստորագրվել է հոկտեմբերի 13-ին: