Իսլանդիայի մայրաքաղաք Ռեյկյավիկում ընթացող Եվրոպայի թիմային առաջնությունում նոյեմբերի 16-ին կայացել են 4-րդ տուրի հանդիպումները: Հայաստանի տղամարդկանց և կանանց ընտրանիների մրցակիցներն եղել են անգլիացիները: Տղամարդկանց մրցավեճն ունեցել է խաղաղ ավարտ՝ 2:2, իսկ կանանց թիմն առավելության է հասել 1:3 հաշվով:

Հայաստանի տղամարդկանց հավաքականը երրորդ տուրում 2.5:1.5 հաշվով հաղթել է աշխարհի չեմպիոնՄագնուս Կարլսենի գլխավորած Նորվեգիայի թիմին: Կանանց թիմն էլ ոչ-ոքի է խաղացել Թուրքիայի հավաքականի հետ:

Նոյեմբերի 17-ին կայանալիք 5-րդ տուրում Հայաստանի տղամարդկանց ազգային հավաքականը կմրցի իտալացիների հետ, իսկ կանանց թիմի մրցակիցը կլինի Սերբիայի ընտրանին:

Խաղերի սկիզբը՝ Երևանի ժամանակով 19:00-ից:

Հայաստանի տղամարդկանց հավաքականը շախմատի համաշխարհային օլիմպիադաների եռակի հաղթող է (2006-ին Թուրինում, 2008-ին ին Դրեզդենում և 2012-ին` Ստամբուլում)։

Բացի այդ, հայկական թիմը 1992, 2002, 2004 թվականների օլիմպիադաների բրոնզե մեդալակիր է, ինչպես նաև 1999-նի Եվրոպայի առաջնության հաղթող, Եվրոպայի առաջնության (2007, 1997) արծաթե և բրոնզե մեդալակիր, 1997, 2001, 2005 թվականների աշխարհի առաջնությունների բրոնզե մեդալակիր։