«Իսլամական պետություն» ահաբեկչական խմբավորումը ծանր պայմաններ է ստեղծել Ռաքքայում մնացած հայերի համար: Այս մասին գրում է «Արևելք»- ը:
Ահաբեկչական խմբավորումը ստիպում է հայ երեխաներին շարիաթի դասեր առնել:
Քաղաքում վախի մթնոլորտ է տիրում: Բացարձակապես արգելված է տեղաշարժվել:
Վերջին տվյալներով, ԻՊ հիմնական կենտրոնատեղ համարվող Ռաքքահում մոտ 20 հայ է մնացել:
2015-ի սեպտեմբերի 30-ին քաղաքում իրավիճակը կտրուկ վատացել է, ինչի հետևանքով 5-6 հայ ընտանիք ստիպված հեռացել են Հալեպ և Լաթաքիա:Քաղաքը գտնվում է Իսլամական պետության վերահսկողության տակ: Ռաքքայում խմելու ջրի, էլեկտրականության հետ կապված խնդիրներ կան, միջքաղաքային հեռախոսակապը, համացանցային կապն ընդհանրապես կտրված են: Հիվանդանոցներում խնդիրներ են առաջացել, քանի որ տասնյակ բժիշկներ են հեռացել քաղաքից:
